Акафистник

 

 

Месяцеслов

 

 

Молитвослов

 

Псалтирь

 

 

Словарь

 

 

Иконы

Святой равноапостольный царь Константин

(память 21 мая по старому стилю)

 

 

Император Константин Великий был сыном Констанция Хлора, управлявшего западной частью Римской империи (Галлией и Британией) и святой равноапос-тольной Елены. По желанию императора Диоклетиана он в юных годах (18-летним) был взят от родителей в качестве заложника и жил при дворе в Никомидии. Когда Диоклетиан отказался от престола, Константин возвратился в Галлию и в 306 году (после смерти императора Констанция) был провозглашен императором.

К принятию христианства он был расположен своей матерью. Отец его, хотя был язычником, но покровительствовал христианам, видя что христиане — верные слуги и честные граждане. При дворе Диоклетиана в то время, когда он еще не преследовал Церковь, были христиане на разных должностях, и Константин имел много случаев удостовериться в их честности и преданности долгу. Затем он видел ужасы гонения и необыкновенную твердость исповедников Христовых, и это также предрасположило его в их пользу. Впоследствии Константин сам признавался, что пребывание при дворе Диоклетиана много содействовало его обращению в христианство: “Я отчуждался от бывших доселе правителей, говорил он, потому что видел дикость их нравов”.

По своему характеру деятельный, воинственный, всем доступный и щедрый, дальновидный и проницательный, Константин являет черты мирового гения, и не напрасно был избран Промыслом Божиим для совершения величайшего переворота в империи и во всем мире.

Император Константин в свое царствование боролся в особенности с тремя врагами, и во время этой борьбы постепенно, но решительно склонился к принятию святой веры.

В 308 году он счастливо вышел из борьбы с императором Максимианом Геркулом и поспешил выразить свою благодарность божеству богатыми жертвами в храме Аполлона. В этом обнаружилась господствующая черта в характере Константина: хотя он оставался еще язычником, но был человеком набожным и причину своих успехов относил к помощи свыше.

В 312 году возникла новая война императора Константина с кесарем Максентием, сыном Максимиана. Во время этой войны незадолго до решительной битвы в полуденные часы, когда солнце уже начало склоняться к Западу, Константин собственными глазами увидел на небе светящийся крест с надписью: “Сим (этим) побеждай” (по-гречески НИКА). Ночью в сновидении Господь явился ему с тем же знамением креста и сказал, что этим знамением он победит врага. На следующий день по приказу Константина на всех знамениях его войска были сделаны изображения святого креста.

Одержав победу над Максентием, Константин торжественно вошел в Рим и здесь на площади велел поставить свою статую с крестом в правой руке и с надписью: “Этим спасательным знаменем я спас город от ига тирана”. После этой победы император Константин вместе со своим зятем Ликинием издал в Милане первый манифест, дозволяющий всем без боязни принимать христианство. Вторым манифестом, подписанным им же в 313 г., предписывалось возвратить христианам места богослужебных собраний и все недвижимое имущество, отнятое во время гонений.

Между тем дружеские отношения императоров Константина и Ликиния мало-помалу расстраивались и перешли в открытую борьбу. Эта борьба должна была решить судьбу христианства в Римской империи, потому что Ликиний, подозревая восточных христиан в большей привязанности к Константину, стал сначала притеснять их, а потом перешел открытому гонению на них, а Константин явно покровительствовал христианам. Оба императора готовились к решительной борьбе, каждый сообразно со своей верой. Оракулы предвещали победу Ликинию, а христиане молились за Константина. Бог даровал победу Константину в битве при Адрианополе (322 г.). Ликиний лишился престола и жизни. Константин сделался единодержавным правителем империи, и христианство восторжествовало.

Император Константин всю свою жизнь посвятил благу Церкви и сделал столько добра ей, что заслужил наименование равноапостольного. С его времени государственные учреждения, законы, военная служба стали ориентироваться на требования, которые заключаются в христианстве.

Можно указать, следующие меры и действия императора Константина в пользу христианства, кроме упомянутых эдиктов, — в порядке времени: он прекратил языческие игры (314 г.), освободил духовенство от гражданских повинностей и церковные земли от общих налогов (313-315 гг.), отменил казнь через распятие и издал строгий закон против иудеев, восстававших на Церковь (315 г.), дозволил освобождать рабов при церквах без особых формальностей, которые были очень затруднительны в гражданских судах (316 г.), запретил частным лицам приносить жертвы идолам и обращаться к гаданиям у себя на дому, оставив это правило только обществу (319 г.), повелел по всей империи праздновать воскресный день (321 г.), в ограждение христианских девственниц отменил бывшие у римлян законы против безбрачия; предоставил Церкви право получать имущества по завещаниям, допустил христиан к занятию высших государственных должностей, приказал строить христианские храмы и запретил вносить в них по обычаю языческих капищ, императорские статуи и изображения (325 г.).

Более всего император Константин встречал себе противодействия в Риме, где сильна была языческая партия. Это противодействие язычников обнаружилось в особенности во время празднования Константином 20-летия царствования и охладило его к прежней столице государства. Наконец он совершенно оставил Рим, основал новую христианскую столицу на берегах Босфора и пригласил христианских епископов торжественно освятить ее, назвав Константинополем. Вместо языческих капищ в этой новой столице империи стали воздвигать христианские храмы, и вместо статуй языческих богов — священные изображения.

Император Константин с живым вниманием относился к волнениям, которые возбуждали в Церкви раскол донатистов и особенно ересь Ария, и всячески старался примирить разделенных. Одна из величайших заслуг Константина — созыв I Вселенского собора в городе Никее в 325 г.

Всей душой преданный Церкви, Константин, однако, по обычаю того времени, до последних дней жизни отлагал принятие крещения. Когда же почувствовал приближение смерти, то с благоговением принял это великое таинство и мирно скончался во время молитвы 21 мая 337 г. История присвоила ему имя Великого. Церковь за великие заслуги именует его равноапостольным.

 

 

Акафист святым равноапостольным царем Константину и Елене

 

Кондак 1

 

Избраннии предвечным Царем, святии равноапостольнии Константине и Елено, на всемирное воздвижение Животворящаго и Спасительнаго Креста Господня, имже соделася спасение рода человеческаго, искупленнаго кровию пригвожденнаго на нем Агнца Божия, да вси праведнии и грешнии благодарственно взывают вам: Радуйтеся, святии равноапостольнии Константине и Елено, обретшии Крест Господень, оружие спасительное.

 

Икос 1

 

Ангельский собор на землю зрети велие чудо — како обретеся Святое Древо, на много лет в недрах земли бездушным камением хранимое, ныне же руками архиерейскими возносимое, людие же видеша сие, ниц на землю падоху, слезно вопия: “Господи помилуй! Господи помилуй! Господи помилуй!” Вас же, святии равноапостольнии Константине и Елено, смиренно величаху: Радуйся, блаженная мати зело возлюбившая Христа; радуйся, боговенчанный сыне, слуго Небеснаго Царя. Радуйтеся, земнии Ангели и небеснии человецы; радуйтеся, строителие тайн Божиих. Радуйтеся, яко вами небо и земля духовно возрадовашася; радуйтеся, яко от всех земнородных вкупе прославишася. Радуйтеся, достойнии носителие имене Христова; радуйтеся, два светила великая во вселенней. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 2

 

Видев славный Константин во время брани с Максентием в полудни Крест на небе, светом сияющий, и письмена “Сим побеждай”, повеле оковати все оружие и шлемы бранные, да до конца победив врага помощию Крестною, воспоют распятому Христу победную песнь: Аллилуиа.

 

Икос 2

 

Разум твой, не просвещен еще святым Крещением, царю Константине, просвети Господь во сне нощию, научая победити врага Крестным знамением, мы же дивяся таковому Промыслу Божию о Тебе, взываем сице: Радуйся, двукратным видением Креста свыше озаренный; радуйся, паче всех царей земных превознесенный. Радуйся, свыше предызбранный на апостольское служение; радуйся, победителю врагов видимых и невидимых. Радуйся, Крест Господень зело прославивый; радуйся, Церкви Христианской вся силы отдавый. Радуйся, врага спасения человеческаго посрамивый; радуйся, честным Крестом главу его сокрушивый. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 3

 

Силою Креста во брани, ведал еси богомудре Константине: “Аз спасох град сей от врагов, и сердце мое уязвлено любовию распятаго Христа, Егоже чту, Емуже поклоняюся и не возбраняю любящим Его пети блаженную песнь: Аллилуиа”.

 

Икос 3

 

Имея в сердцы чувство живыя христианския веры, великий Константин повеле, да сокрушатся идолы и да созиждутся храмы, идеже сонмы Ангелов и лики праведных выну молят своего Создателя. Мы же недостойнии, просяще о мире мира и добром ответе на страшнем судище Христове, зовем вам: Радуйтеся, первии во христианех царие; радуйтеся, милосердием и властию украшеннии. Радуйтеся, любовию и правдою одеяннии; радуйтеся, от вражиих прелести избавленнии. Радуйтеся, уставов церковных хранителие; радуйтеся, девства и целомудрия любителие. Радуйтеся, языческие храмы на земли упразднившии; радуйтеся, день Воскресный праздновати установившии. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 4

 

Бурныя потоки христианския крови твоим повелением, святый Константине, прияша конец; сущии в темницех получиша ослабу, крыющиися во пещерах и горах вспять возвращахуся, и чада церкве лобзанием святым во объятии встречаху друг друга, воспевая Богу песнь хвалы: Аллилуиа.

 

Икос 4

 

Слышавше мученицы и страдальцы Христовы повеление твое, богоблаженне Константине, да свободно исповедают веру Христову, возвеселишася и со слезами радости воспеваху ти сице: Радуйся, великаго Рима украшение; радуйся, узников Христовых свобождение. Радуйся, языческаго мира упразднение; радуйся, идолов и кумиров сокрушение. Радуйся, прав и законов утверждение; радуйся, чар волшебных и гаданий карательное запрещение. Радуйся, о Церкви пекийся, аки чадолюбивая мати; радуйся, воспретивый осужденных на кресты распятие. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 5

 

Воскресение Христово видевше, воспеваху людие: Се Крест, имже прииде радость всему миру. Неведомо бысть миру оружие, имже новый Давид победи смерть, сокрыто бысть от поклонения верных людий, Ангелы токмо охраняху честный Крест, немолчно воспевая: Аллилуиа.

 

Икос 5

 

Видя осмидесятилетняя старица, богомудрая мати Елено, сердце твое, пречудне царю Константине, желанием исполнено к прославлению Святаго Древа, сама со тщанием приемлет труды, да открывает сокровище на поклонение всем языком, с любовию зовущих вам таковая: Радуйтеся, святии равноапостольнии Константине и Елено, царие премудрии; радуйтеся, двоице святая, Богом возлюбленная. Радуйтеся, любовию к Нему аки Серафими пламеневшии; радуйтеся, ревностию аки апостолы послужившии. Радуйтеся, усердием вашим яко жены с миры пришедшии; радуйтеся, за подвиги ваша от всех земнородных славимые. Радуйтеся, яко Ангелы с вами ликуют на небеси; радуйтеся, яко человецы выну восхваляют вас на земли. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 6

 

Проповедником тайны, идеже бе треблаженное Древо, бысть некий Иуда, иже не хоте указати место сие, сего ради изнурен бысть гладом во глубине кладенца по повелению святой царицы Елены, ейже Дух Святый откры, да употребит всякое усилие для взыскания Креста Господня на радость православным христианом, поющим Богу: Аллилуиа.

 

Икос 6

 

Возсия лучь Божественнаго света в сердцы Иуды, непреклоннаго доселе к прошениям и увещаниям богомудрой царицы Елены, иже отверз уста глаголаше: “Близ Голгофы, в капище Венеры, обрящете Крест вашего Христа”. Оттоле начаша искати, многи труды понесоша, не обретше же сокровища, зело изнемогша. Егда же ощутиша велие благоухание из недр земли, усугубиша труды и обретоша три креста, тогда вернии людие прославляху вас со слезами: Радуйтеся, треблаженнаго Древа усердные искателие; радуйтеся, дела апостольскаго неленостные продолжателие. Радуйтеся, торжество веры Православныя явившии; радуйтеся, люди, чтущии Крест Господень, зело возвеселившии. Радуйтеся, воздух животворным знамением освятившии; радуйтеся, обретением Креста оставившии людем память вечную. Радуйтеся, принесшии всему миру радость безконечную. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 7

 

Хотя тщательно уведети Крест, на немже принесеся Жертва Святая, да не воздадят честь Креста иному, блаженный патриарх Макарий повеле возложити кресты на болящу и мертва, сии же ожиша и здрави бяху, тогда людие, видевше чудо, падоху ниц до земли, Животворящему Кресту, победителю смерти и ада, поюще: Аллилуиа.

 

Икос 7

 

Новый христианский храм созидает мудрая царица Елена на Голгофе для всемирнаго воздвижения Животворящаго Креста Господня, безчисленное же множество людий молиша блаженнаго патриарха Макария, да сподобятся узрети Господень Крест. Он же, смирения сый исполнен, с освященным собором высоко подъяша Крест, да видят вси, зряще сие, племена и языцы с благоговением и радостию восклицаху: Радуйся, Треблаженное Древо, имже спасеся двоица первозданная; радуйся, Честное Древо, имже ад испустиша узники. Радуйся, Честное Древо, Архангелами и Ангелами хранимое; радуйся, Честное Древо, пророками богоглаголивыми предзримое. Радуйся, Честное Древо, преподобных и праведных веселие; радуйся, Честное Древо, кающихся грешников надеждо и спасение. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 8

 

Странствующему на земли нашего ради спасения, Иже не имеяше где главы подклонити, воздвигоша храмы, богомудрии Константине и Елено, в Вифлееме рождшемуся, на Голгофе, идеже распятся, на горе Елеон, отонюдуже вознесша к безначальному Отцу, и у дуба Мамврийска, идеже Авраам пригласи Его странна, да вси вернии непрестанно поют Серафимскую песнь: Аллилуиа.

 

Икос 8

 

Все ваше служение бысть во славу Сладчайшаго Господа и Его Пречистыя Матере, Заступницы мира. Кий язык изречет подъятые вами труды? Кий разум постигнет радость, егда обретеся вами желаемый Крест Господень? Сего ради вси земнороднии благодарно взывают вам: Радуйтеся, Ангельскою чистотою пожившии; радуйтеся, всем сердцем Господа возлюбившии. Радуйтеся, апостольскою ревностию потрудившиися; радуйтеся, христианским смирением украсившиися. Радуйтеся, вся добродетели в себе совокупившии; радуйтеся, блаженство райское унаследовавшии. Радуйтеся, яко зрите всегда Творца и Господа; радуйтеся, яко мзда ваша многа на небесех. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 9

 

Всякое еретическое учение отвергше, богомудрии отцы и учителие, собравшиися повелением твоим, царю Константине, на первом Вселенстем соборе, Ария отгнаша и его пособников, и яко гром возгремеше во вся концы песнь: Аллилуиа.

 

Икос 9

 

Ветии сладковещаннии богоноснии отцы, святители и учители на соборе Никейстем, Николай Мирликийский, Спиридон Тримифунтский, Пафнутий Фивайдский, Павел Неокесарийский, Афанасий Александрийский и прочие исповедницы Христовы, иже свыше умудрившася, изложив тамо Символ веры и всей Церкви узакониша пети Троицу Единосущную, принесше песнь благодарения верховному Владыце всех Богу и сослужителю своему взывая: Радуйся, достойный сыне матере своея богомудрыя Елены; радуйся, подражавый ей во смирении неизреченно. Радуйся, царю, превосходяй мудрость Соломона; радуйся, стяжавый веру праотца Авраама. Радуйся, законов и власти высокий архитектоне; радуйся, новый апостоле великаго града Константинополя. Радуйся, милостивый и кроткий повелителю; радуйся, перваго Никейскаго собора мудрый председателю. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 10

 

Спастися хотящим в подвизе девства, не возбранял еси, великий Константине, да чистым сердцем возносят молитвы Единому Богу о мире у всего мира и, отрешении молвы житейския, яко Ангелы поют: Аллилуиа.

 

Икос 10

 

Стена, покров и защита бысть тебе во всем Сама Пречистая Дева, Владычица неба и земли. Ейже вручил еси новый град твой на брегах Босфора, да вси людие, укрепляеми Ея милосердым заступлением, воспоминающе веру и подвиги твоя, прехвальне Константине, благоумиленно взывают: Радуйся, новую столицу Византии освятивый; радуйся, заступлению и покровительству Матере Божией вручивый. Радуйся, храм Божий во имя Ея создавый; радуйся, горячия молитвы в нем возславый. Радуйся, яко раб разумный таланты свои умноживый; радуйся, волю свою в волю Божию предавый. Радуйся, храмов святых украшение; радуйся, пастырей Церкве Христовы вразумление. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 11

 

Пения и усердная молитвы приносяще ныне во храме вашем, святии равноапостольнии царие Константине и Елено, просим со слезами: воздежите блаженнии ваши руце, имиже приясте Крест Святый, и молите распятаго на нем Господа, да в покаянии непрестанно зовем Ему: Аллилуиа.

 

Икос 11

 

Светла и радостна кончина ваша, святии равноапостольнии Константине и Елено, вы бо победоносное знамение в объятиях своих держаще, показуете сим, да возмет кийждо Крест свой и, во смирении шествуя путь земнаго странствия, сподобится получить безболезненную кончину и Божественных Тайн причащения, со слезами взывая вам: Радуйтеся, яко поете Ему со Ангелы Трисвятое пение; радуйтеся, с собором апостолов Ему предстоите. Радуйтеся, яко вкупе со всеми святыми райская селения зрите; радуйтеся бедных и убогих милостивии попечителие. Радуйтеся, от уз и пленения скорые свободителие; радуйтеся, праздника не почитающих строгие наказателие. Радуйтеся, о всех чтущих память вашу пред Господем предстателие. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 12

 

Благодать мира, тишину испросите притекающим к вашему заступлению, угодницы Божии, сохраните отечество наше от врагов находящих на ны и междоусобныя брани, да милость Божию улучим вашими молитвами, вопиюще со всеми святыми Владыце Христу: Аллилуиа.

 

Икос 12

 

Поюще и восхваляюще вас, святии равноапостольнии царие Константине и Елено, празднуем святую память вашу и просим: не забудите нас, грешных, чтущих труды и подвиги ваша, да вси с верою и любовию зовем к Вам: Радуйтеся, града и храма сего покровителие; радуйтеся, пастырем Церкве богомудрии учителие. Радуйтеся, во тьме заблудшим яркие светильницы; радуйтеся, за отечество наше теплые пред Богом молитвенники. Радуйтеся, яко больных, слепых и глухих исцеляете; радуйтеся, яко от нечаянныя смерти избавляете. Радуйтеся, еретиков и хульников веры страхом правосудия Божия устрашаете; радуйтеся, грешникам кающимся прощения у Престола Божия испрошаете. Радуйтеся, святии равноапостольнии Константине и Елено, обретшии Крест Господень, оружие спасительное.

 

Кондак 13

 

О двоице премудрая, великие царие Константине и Елено, приимите малое сие моление наше и приносимое вам хваление! Избавите чтущих святую память вашу от греховных страстей и вечнаго осуждения, да ходатайством вашим возможем до скончания дней своих поклонятися Животворящему Древу Креста Господня и тамо, идеже сияет свет невечерний, пети во славу Креста: Аллилуиа.

 

(Этот кондак читается трижды, затем икос 1 и кондак 1)

 

 

Молитвы святым равноапостольным Константину и Елене

 

Молитва первая

 

О святии равноапостольнии Константине и Елено! Избавите приход сей и храм наш от всякаго навета вражия и не оставите заступлением вашим нас, немощных (имена), умолите благость Христа Бога нашего даровати нам помыслов мир, от пагубных страстей и всякий скверны воздержание, благочестие же нелицемерное. Испросите нам, угодницы Божии, свыше дух кротости и смиренномудрия, дух терпения и покаяния, да прочее время жития нашего в вере и сокрушении сердечнем поживем, и тако в час скончания нашего благодарно восхвалим прославльшаго вас Господа, Безначальнаго Отца, Единороднаго Его Сына и Единосущнаго Всеблагаго Духа, Троицу Нераздельную, во веки веков.

 

Молитва вторая

 

О предивнии и всехвальнии царие, святии равноапостольнии Константине и Елено! К вам, теплым заступником, возносим наши недостойныя молитвы, яко велие имате дерзновение ко Господу. Испросите у Него мир Церкви и всему миру благоденствие, начальником мудрость, пастырем попечение о пастве, пасомым смирение, старцем желанное упокоение, мужем крепость, женам благолепие, девственником чистоту, детям послушание, младенцем христианское воспитание, больным исцеление, враждующим примирение, обидимым терпение, обидящим страх Божий. Приходящим в храм сей и молящимся в нем святое благословение и всем вся по коегождо прошению полезная, да хвалим и поем Благодетеля всех Бога в Троице славимаго Отца, и Сына, и Святаго Духа, ныне и присно и во веки веков. Аминь.

 

 

Тропарь святым равноапостольным царям Константину и его матери Елене

 

Тропарь, глас 8

 

Креста Твоего образ на небеси видев, и якоже Павел звание не от человек прием, во царех Апостол Твой, Господи, царствующий град в руце Твоей положи: егоже спасай всегда в мире молитвами Богородицы, едине Человеколюбче.

 

Кондак, глас 3

 

Константин днесь, с материю Еленою, крест являют всечестное древо, всех убо Иудеов посрамление суще, оружие же на противныя верных царей: нас бо ради явися знамение велие и во бранех грозное.

 

Величание

 

Величаем вас, святии благовернии и равноапостольнии царие Константине и Елено, и чтим святую память вашу, вы бо святым Крестом всю вселенную просветили есте.


Сайт расположен на сервере Россия Православная

© Храм в честь Святой мученицы Фотинии Украинской Православной Церкви.
Электронная почта настоятеля храма: nastoyatel_fotinya@mrezha.ru
Использование материалов сайта только при наличии ссылки на сайт: www.fotinya.orthodoxy.ru